"Қазгидромет" синоптиктері 13 маусымға арналған ауа райы болжамын жариялады, – деп хабарлайды Aikyn.kz.
Ел аумағының басым бөлігі әлі де атмосфералық фронттардың ықпалында болады. Сондықтан найзағай ойнап, жаңбыр мен бұршақ жауады.
Қазақстанның солтүстік-шығыс өңірлерінде бұршақ пен нөсер жаңбыр күтіледі. Солтүстік-батыс және оңтүстік-батыс аймақтарда ғана жауын-шашын болмайды.
Сондай-ақ ел аумағы бойынша жел күшейеді.
Күндіз Атырау, Ақтөбе, Маңғыстау және Батыс Қазақстан облыстарында, Қостанай облысының оңтүстігінде қатты ыстық күтіледі.
Батыс Қазақстан, Жамбыл, Алматы облыстарында, Жетісу, Ұлытау облыстарында, Маңғыстау, Түркістан, Қостанай облыстарында, Ақтөбе облысының солтүстік-шығысында, оңтүстікте, Абай облысының орталығында, батыста, оңтүстікте, Қарағанды облысының орталығында жоғары өрт қаупі сақталады.
Сонымен қатар Атырау, Маңғыстау, Түркістан, Қызылорда облыстарында, Батыс Қазақстанның батысында, Ақтөбенің оңтүстігінде, батысында, Жамбылдың шығысында, солтүстікте, Алматы облысының орталығында, Қостанай облысының оңтүстігінде, Жетісу облысының солтүстігінде төтенше өрт қаупі бар.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.