Ғарыштық зерттеу институтының Күн астрономиясы зертханасының мәліметі бойынша, 30 шілдеде G1 деңгейлі магнит дауылы басталды, ол кешке қарай максималды бес деңгейдің G3 деңгейіне жетеді.
Геомагнит дауылы 31 шілдеде ғана G1-G2 деңгейіне дейін әлсірей бастайды. 1 тамыз түстен кейін қайтадан көтеріліп, кешке G1-G2 деңгейінде сақталады.
2 тамыздан 24 тамызға дейін қалған күндері магнитосфера тыныш болады. Ал 25 және 26 тамызда тағы да магнит дауылы болады деген болжам бар.
Геомагнит дауылы – күн желі ағындарының әсерінен Жердің магнит өрісінің бұзылуы. Магнит дауылдары электроникаға кедергі келтіруі мүмкін. Ауа райына тәуелді адамдар мұндай кезде өзін нашар сезінуі мүмкін.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.