Сәкен Бибосынов Париж Олимпиадасының ширек финалында Өзбекстан боксшысы, басты қарсыласы Хасанбой Дусматовпен кездеседі, – деп хабарлайды Aikyn.kz.
Рио-2016 Олимпиадасының чемпионы Дусматов 18 жастағы пуэрто-риколық Хуанма Лопес де Хесусты жеңіп, ширек финалға жолдама алды.
Қазіргі ақпарат бойынша, Бибосынов пен Дусматов арасындағы ширек финалдық жекпе-жек 2 тамыз күні сағат 21:20-да өтеді.
Бибосынов пен Дусматовтың осыған дейінгі кездесуіне келсек, есеп 1:2. Сәкен 2021 жылғы әлем чемпионатында жеңіске жетсе, Думатов 2023 жылғы Азия чемпионаты мен 2022 жылғы Азия ойындарының финалында жеңді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.