Биыл 7 айда ҚР ПІБ Ұлттық госпиталінде әлемнің 36 елінен келген 300 шетелдік медициналық турист ем қабылдады. Олардың 70-і стационар бөлімінде жатып емделді.
Шетелдік пациенттердің көпшілігі Ресей, Украина, Қырғызстан және Өзбекстан азаматтары. Сондай-ақ Норвегия, Аустралия, Бразилия және Венесуэлла елдерінен келгендер бар.
Медициналық көмек алу үшін Ұлттық госпитальге Қазақстанның барлық өңірінің халқы ағылып келіп жатады. Жыл басынан бері 7 айда олардың жалпы саны 3 408-ге жетті.
Аурухана стационарында барлығы 7 228 адам емделді. Осы уақыт аралығында клиникада 2 645 операция жасалды. Кардиологиялық, терапевтік, соматикалық және нейрохирургиялық бөлімшелердің көмегіне сұраныс жоғары болғанын айта кетейік.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.