Жанқош Тұраровтың адвокаты – Самат Мамұтов өзінің зорланғанын айтқан қыздың мәлімдемесіне түсініктеме берді, – деп хабарлайды Aikyn.kz Tengrinews.kz-ке сілтеме жасап.
Боксшының адвокатының айтуынша, Жанқош шынымен де желідегі қызбен таныс болған.
"Мен бұл тұлғалар әлеуметтік желі арқылы таныс деп айта аламын. Олар интернет арқылы хат алмасқан. Бірақ хат алмасудың не туралы болғанын білмеймін. Мен қылмыстық іс материалдарынан қандай да бір мәліметті аша алмаймын, өйткені біз мәліметтерді жария етпеу туралы құжатқа қол қойдық", – деді адвокат Алматының шақырылған баспасөз мәслихатында.
Ол сондай-ақ Тұраров қыз арызын қайта алуы үшін оған ақша ұсынғаны туралы ақпаратты жоққа шығарды.
"Біз қазір бірнеше нұсқаны қарастырып жатырмыз. Олардың бірі – ауру немесе психикалық ауытқулар, екіншісі – хайп, танымал болғысы келеді немесе бұл біреудің тапсырысы. Немесе мен қазір жариялай алмайтын басқа факторлар, – деді адвокат Самат Мамұтов.
Еске салайық, 21 тамызда Жанқош Тұраров "қыз зорлады" деген ақпарат тарады. Алматы қалалық Полиция департаментінің баспасөз қызметі қылмыстық іс қозғалып, сараптама тағайындалғанын хабарлады.
Кейінірек боксшының өзі тараған ақпаратқа қатысты жауап берді.
"Үш қыз өсіріп отырған әкемін. Төсектес қыз керек болса, маған зорламай-ақ келетін жағдайым бар. Қайдан шыққан жала екенін өзім де түсінбей отырмын, қазір мәселенің мән-жайын анықтап, кім қандай жала жауып отырғанын анықтаймын", – деп жазды Instagram парақшасында ол.
Бірнеше күн бұрын "Боксшы Жанқош Тұраров зорлады" деп айып таққан қыз тілшілерге сұхбат берді. Оның сөзінше, спортшы бірнеше жыл бойы "әйелім етіп аламын" деп алдап келген. "Ал соңғы кездесу зорлықпен аяқталды" дейді. Жәбірленуші денесіндегі көгерген жарақаттарына дейін көрсетті.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.