Жанқош Тұраровты зорлады деп айыптаған Әнару Қалдыбекқызының қорғаушысы боксшыға қатысты тағы бір дерек айтты, – деп хабарлайды Aikyn.kz.
Қорғаушының айтуынша, Әнаруға мұндай қадамға бару оңайға соқпаған. Қыз қатты күйзелісте жүргендіктен, сұхбатта ойын жинақтай алмай, көп нәрсені айта алмаған.
Еске салайық, 21 тамызда Жанқош Тұраров "қыз зорлады" деген ақпарат тарады. Алматы қалалық Полиция департаментінің баспасөз қызметі қылмыстық іс қозғалып, сараптама тағайындалғанын хабарлады.
Кейінірек боксшының өзі тараған ақпаратқа қатысты жауап берді.
"Үш қыз өсіріп отырған әкемін. Төсектес қыз керек болса, маған зорламай-ақ келетін жағдайым бар. Қайдан шыққан жала екенін өзім де түсінбей отырмын, қазір мәселенің мән-жайын анықтап, кім қандай жала жауып отырғанын анықтаймын", – деп жазды Instagram парақшасында ол.
Бірнеше күн бұрын "Боксшы Жанқош Тұраров зорлады" деп айып таққан қыз тілшілерге сұхбат берді. Оның сөзінше, спортшы бірнеше жыл бойы "әйелім етіп аламын" деп алдап келген. "Ал соңғы кездесу зорлықпен аяқталды" дейді. Жәбірленуші денесіндегі көгерген жарақаттарына дейін көрсетті.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.