Бас прокуратура 2023 жылдың қаңтар айына дейін елорда аумағында қылмыстық құқықбұзушылық жасағаны үшін 8 қылмыскер экстрадицияланғанын хабарлады, – деп хабарлайды Aikyn.kz.
Олардың бірі "мефедрон" психотроптық затын Telegram қосымшасын пайдалану арқылы ірі мөлшерде заңсыз өткізгені үшін 10 жылға бас бостандығынан айырылды. Ол 2 жыл бойы халықаралық іздеуде болған.
Екінші қатысушы 6 жылға бас бостандығынан айырылды, ол қаржы пирамидасын құрғаны үшін акционерлердің заңсыз үлесін алып отырған.
Шығын 85 млн теңгеден асты.
"Үшінші қылмыскер аса ірі мөлшерде сеніп тапсырылған мүлікті ысырап еткені үшін 7 жылға бас бостандығынан айырылды", – деп хабарлады ведомство.
Бұған дейін ІІМ шілде айында шет мемлекеттерден 28 қылмыскер ұсталғанын хабарлады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.