Қарағанды қаласындағы орталық мәдениет және демалыс саябағында "Тікұшақ" аттракционының кабинасы құлап, кабинада болған 25 жастағы әйел мен 2 жасар қыз зардап шекті, – деп хабарлайды Aikyn.kz.
Оқыс оқиға 15 қыркүйек күні болған.
Қазір қалалық ішкі істер бөлімі мен Михайловский полиция бөлімінің қызметкерлері мән-жайды анықтауда.
Облыстық ІІД баспасөз қызметінің мәліметінше, аталған жағдай бойынша ҚР Қылмыстық кодексінің 306-бабы 2-бөлігі бойынша қылмыстық іс қозғалғанын мәлімдеді.
– Әйел мен балаға медициналық көмек көрсетілді. Аттракцион жекеменшікке тиесілі. Иесінде барлық пайдалану құжаты бар. Маусым басталар алдында сараптамадан өткен.
Қазір қылмыстық іс қозғалып, тергеу тобы жұмыс істеп жатыр. Барлық мән-жай анықталуда, – деді Талғат Байтохин.