Ол ене мен келіннің сыйластығы екі тарапқа да байланысты болатынын жеткізді, деп хабарлайды Aikyn.kz.
Айтыскер ақын өзінің анасы мен келінінің қарым-қатынасын мысалған келтірген.
«Ұлының туған күнінде келініне жүзік тағып жатыр . Үлкен қүрмет кішкентай сыйластықтан басталады. Келін, ол - келін. Қыз, ол - қыз деп әркімнің орнын шұқып көрсетпей-ақ, әр адам өз тарапынан мейірім таныта берсе, адамзат өзі армандағандай өмір сүреді емес пе? Бастысы Алла разылығы үшін деп жасаса болды.
Мамамды көбіңіз жақсы көресіздер. Шынайы адам. Жасандылығы жоқ . Сыйласқанмен сыйласа біледі. Келініміздің қабағы түссе, қатты алаңдайды. Ұл мен келін ренжісіп қалса, ұлдың емес, келіннің сөзін сөйлеп шығады.
Арна, ол - біздің алтынымыз. Керемет орталық ашты. Сол орталыққа келген әр бала дұғамызда. Әлем мойындайтын ұлы маман иесі бол, жаным .
Осы бір жылы қарым-қатынас әр адамда бола берсін деп видеоны салып қойдым», — деп жазды ақын.