Автобуспен ескі шахтаға құлаған төрт құтқарушының қаза тапқаны туралы іс бойынша "Майқайың алтын" АҚ қызметкерлері қамауға алынды, – деп хабарлайды Aikyn.kz.
Күдіктілер тау-кен және құрылыс жұмыстарын жүргізу кезінде қауіпсіздік ережелерін бұзғаны үшін қылмыстық іске тартылды. Кәсіпорынның алты қызметкері ұсталып, уақытша ұстау изоляторына қамалды.
"Тау-кен және құрылыс жұмыстарын жүргізу кезінде қауіпсіздік ережелерін бұзу дерегі бойынша қылмыстық істі тергеу аясында "Майқайың алтын" АҚ-ның алты жауапты қызметкері ұсталып, Павлодар ПБ УҰИ-ға қамауға алынды", – делінген Павлодар облысы Полиция департаментінің баспасөз қызметі таратқан хабарламада.
Тергеу жалғасып жатыр.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.