Астананың Байқоңыр ауданында үй сүру жұмысы басталды. Бұл туралы аудан әкімі Талғат Рахманберді мәлімдеді, – деп хабарлайды Aikyn.kz.
"Бүгін Байқоңыр ауданы үшін тағы бір кезекті тарихи сәт. Себебі, ауданымызда реновация аясында алғашқы үйді сүру жұмысы басталды.
Бүгінгі күні алғашқы ірі құрылыс компанияларының бірі «BI-group» – Кенесары, Асан қайғы, Тараз көшелерінің қиылысындағы ескі үйлерді сүру жұмыстарын бастады.
Жалпы, бағдарлама аясында бас жоспарға сәйкес «Байқоңыр» ауданы аумағында 865 жеке тұрғын үй сүріліп, орнына:
- 96 көпқабатты тұрғын үй;
- 3 мектеп, 10 балабақша,
- 4 медицина орталығы, 5 шағын емхана;
- 21 бизнес және кәсіпкерлік нысандары;
- 3 қоғамдық кеңістік;
- 5 дене шынықтыру-сауықтыру кешені мен 2 мәдениет нысанын жайластыру жоспарлауда", – деп жазды ол.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.