Дзюдодан Олимпиада чемпионы Елдос Сметов пен қазақстандық танымал әнші Нұрболат Абдуллин бірге ән шырқауы мүмкін, деп хабарлайды Aikyn.kz.
Елдос Сметов "Қызық times" бағдарламасында қонақта болғанда жүргізуші спортшыдан сүйікті әнін орындап беруін сұраған. Ол Нұрболат Абдуллиннің орындауындағы "Жарық түн" әнін шырқап берген.
"Чемпионның талғамында болу оңай дүние емес. 5 қазан күні Таразда өтетеін концертте дуэт тамашалайсыздар-ау", - деп жазды Нұрболат Абдуллин Елдос Сметовтің ән шырқаған видеосын бөлісіп.
Айта кетейік, бұл Елдос Сметовтің сахнада шырқаған алғашқы әні емес. Бұған дейін спортшының Сәкен Майғазиевпен бірге сахнада ән айтқан видеосы жарияланған еді. Спортшының бұл қабілетін желі қолданушылары "Елдос Сметов алтын медаль ғана емес, алтын дауыстың да иесі" деп бағалаған болатын.