"Қазгидромет" синоптиктері 8, 9, 10 қазан күндері ауа райы қандай болатынын мәлімдеді, – деп хабарлайды Aikyn.kz.
Аптаның басында антициклон әсерінен еліміздің басым бөлігінде ауа райы жауын-шашынсыз болады. Кейін Қазақстанның батыс және солтүстік-батыс өңірлеріне Мәскеу аумағынан циклон әсер етіп, соның салдарынан найзағай ойнап, жаңбыр жауады.
9-10 қазан күндері батыста қатты жаңбыр күтіледі. Ел аумағы бойынша жел күшейіп, солтүстік аймақтарда түнгі және таңертеңгі уақыттарда тұман түседі.
"Республиканың батысында ауа температурасы күндіз 12-18 градусқа дейін, солтүстік-батыста және солтүстікте 7-17 градусқа дейін төмендейді деп болжанады, ал қалған аумақта күрт өзгерістер күтілмейді", – делінген хабарламада.