Себебі АЭС-тің жалпы экономиканың дамуына белгілі бір деңгейде өзінің әсерін, септігін тигізеді. Мысалға, 2023 жылы 115 миллиард киловатт сағат электр энергиясы тұтынылған болса, соның 3-4 пайызы импортталған болып есептелінеді. Әрине, бір ғана стансаны тұтынуды қамтамасыз етуге оның қуаттылығы жете қоймайды. Бұл дегеніміз – АЭС-тің әрмен қарай дамуына белгілі бір деңгейдегі алғашқы қадам деп есептеуіміз керек. Қазақстан Республикасының уран кен орындары 778 мың тоннаға жуық көлемде бағаланып отыр. Соның ішінде үлкен шоғырланған жеті кен орны Оңтүстік Қазақстан облысында орналасқан. Одан кейін Солтүстік Қазақстанда – 4, Қызылорда облысында – 3, Алматы облысында – 2, Маңғыстау мен Ақмола облыстарында біреуден бар. Сәйкесінше, барлығы осы уран кен орнын әрі қарай дамытуға қатысты инвестицияның шоғырлануына, тартылуына белгілі бір деңгейде әсерін тигізеді. Ең басты мәселе – осы сала бойынша жаңа мамандардың IT, ядролық физика, атом энергетикасына тікелей қатысты болуында. Білім және ғылым саласының қарқынды дамуына оңды әсерін тигізеді деген үміт бар.
Елімізде АЭС-тің құрылысына қатысты саяси науқан референдум өтті. Референдумның әлеуметтік экономикалық-саяси маңызы өте зор.
