Қыркүйек айында Enbek.kz электронды еңбек биржасында 136,6 мың бос жұмыс орны орналастырылды, тамыз айымен салыстырғанда 4%-ға (4,9 мың) артық, – деп хабарлайды Aikyn.kz.
Еңбек және халықты әлеуметтік қорғау министрлігінің мәліметінше, бұл ретте жұмыс іздеушілердің белсенділігі төмендеу үрдісін сақтап қалды: 122,5 мың түйіндеме жарияланды, бұл тамызға қарағанда 5%-ға (6,4 мың) аз.
Кадрларға сұраныстың айтарлықтай өсуі күзгі-қысқы жылыту маусымы мен өнеркәсіп, құрылыс және көлік жұмысшылары (+1,1 мың бос жұмыс орны) алдындағы жұмыс көлемінің ұлғаюына байланысты негізінен өндіріс операторлары (+2,1 мың бос жұмыс орны) арасында орта білікті мамандарға түсті.
Сонымен бірге білім беру саласы ең сұранысқа ие сала болып қала беруде, себебі орналастырылған бос жұмыс орындарының үштен бірінен астамын да осы сала құрады (53,2 мың). Өзге де қызмет көрсету түрлері саласына тағы 15,8 мың қызметкер қажет болды, 9,5 мың бос жұмыс орнын денсаулық сақтау және халыққа әлеуметтік қызмет көрсету саласының ұйымдары орналастырды.
Білім беру саласында тәрбиешілер (2,7 мың бос жұмыс орны), математика мұғалімдері (2,1 мың) және бастауыш сынып мұғалімдері (2,1 мың бос жұмыс орны) үлкен сұранысқа ие болды. Денсаулық сақтау саласында санитарлар (1,3 мың бос жұмыс орны), медбикелер (1,3 мың) және жалпы практика дәрігерлері (604 бос жұмыс орны) аса сұранысқа ие.
Бос жұмыс орындарының жалпы өсуіне қарамастан, қыркүйек айында аумақтар бойынша динамика айтарлықтай өзгерді. Бос жұмыс орындарының айтарлықтай өсуі Жамбыл (40%-ға) және Түркістан (39%-ға) облыстарында, сондай-ақ Шымкент қаласында (34%-ға) тіркелді, бұл осы өңірлердегі экономикалық белсенділіктің артқанын көрсетеді. Бос орындар санының айтарлықтай төмендеуі Атырау (28%-ға) және Шығыс Қазақстан өңірлерінде (23%-ға), Абай облысында (17%-ға) байқалды. Бұл маусымдық жұмыстардың аяқталуына немесе басқа жергілікті факторларға байланысты болуы мүмкін.
Түйіндеме санының едәуір төмендеуі Атырау облысында – 49%-ға, 8,8-ден 5,9 мыңға дейін тіркелді, сондай-ақ Алматы қаласында (-22% немесе 1,7 мың түйіндеме) және Абай облысында (-20% немесе 0,5 мың түйіндеме) айтарлықтай төмендеу байқалды. Қызылорда (-19%), Алматы (-14%), Шығыс Қазақстан (-13%), Маңғыстау (-13%) және Ақтөбе (-10%) облыстарындағы түйіндемелер саны 10%-дан аса азайды, Астана қаласында төмендеу 9%-ды құрады (-1 мың түйіндеме). Сонымен қатар кейбір аймақтар өсу байқалды. Мәселен, Жамбыл облысында түйіндеме саны – 18%-ға (+1,5 мың, 8,5 мыңға дейін), Қостанай облысында – 16%-ға (+0,8 мың түйіндеме), Ақмола облысында – 14%-ға (+0,6 мың түйіндеме), Түркістан облысында 11%-ға (+1,6 мың түйіндеме) өсті.
"Қыркүйек айында жұмыс берушілер келесі мамандарға ең жоғары жалақыны ұсынды: бас құрылысшыларға – айына 716 мың теңгеден, авиация саласындағы инженерлерге – 565 мың теңгеден және тау-кен өнеркәсібіндегі қызмет бастықтарына – 502 мың теңгеден", – делінген хабарламада.
Жұмыс іздеушілер, өз кезегінде, келесі позициялар үшін ең жоғары жалақыны сұрады: өндіруші өнеркәсіптің құрылымдық бөлімшелерінің басшылары – 1,2 млн теңге, ақпарат және байланыс саласындағы басшылардың орынбасарлары – 858 мың теңге, сондай-ақ коммерциялық сектордағы маркетинг қызметінің басшылары – айына 847 мың теңге.
Осылайша, қыркүйек айында Қазақстанның еңбек нарығында жұмыс іздеушілердің белсенділігінің төмендеуінің нәтижесінде бос жұмыс орындар санының артуы байқалды. Жұмыс динамикасы мен түйіндемедегі аймақтық айырмашылықтар елдегі экономикалық белсенділіктің біркелкі еместігін көрсетеді. Осыған қарамастан, сұраныс пен ұсыныстың біліктілік құрылымында тепе-теңдік бар.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.