Сот бір жылға жуық бұрын қамауға алынған бұрынғы әділет министрі Марат Бекетаевты қамауда ұстау мерзімін ұзартты, – деп хабарлайды Aikyn.kz.Tengrinews.kz-ке сілтеме жасап.
Астана сотының редакцияның ресми сауалына берген жауабында Марат Бекетаевты қамауда ұстау мерзімі 19 қыркүйекте бірден үш айға ұзартылғаны айтылған.
– Астана мамандандырылған ауданаралық тергеу соты күдікті Бекетаев М.-ға қатысты қамауға алу түріндегі бұлтартпау шарасын 2024 жылдың 21 желтоқсанына дейін ұзартуға санкция берді, – делінген жауапта.
Сыбайлас жемқорлыққа қарсы іс-қимыл агенттігінің баспасөз қызметі Марат Бекетаевқа қатысты қылмыстық істі тергеу аяқталғанын хабарлады. Қазір қылмыстық процеске қатысушылар іспен танысып жатыр. Танысқаннан кейін іс сотқа беріледі. Соттың нақты күні әлі белгісіз.