Бұл меморандумның мақсаты – мүгедек жандардың құқықтарын қорғау шараларын жетілдіру және мүмкіндігі шектеулі жандарды қолдау жөніндегі мемлекеттік саясаттың тиімді жүзеге асуына ықпал ету.
«AMANAT» партиясының Шымкент қалалық филиалының Атқарушы хатшысы М.Жолдыхожаев: «Қаламыздағы мүгедектігі бар азаматтар осы меморандумның шарапатын көреді деп сенемін», – деп атап өтті. Ол зағип жандардың мемлекет қамқорлығынан тыс қалдырылмайтынын және алдағы уақытта аталған ұйым мүшелерімен бірлесіп іс-шаралар ұйымдастыруды қолға алатындарын айтты.
Сонымен қатар «Қазақ соқырлар қоғамы» қоғамдық бірлестігі қалалық филиалының директоры М.Примжанов мемлекет тарапынан тиісті шаралардың жүзеге асырылып жатқанын атап өтті. Ол алдағы уақытта да игі істердің орындалатынына сенім білдіріп, қала аумағынан зағип жандарға арналған мәдениет үйін ашуға қатысты ұсыныс білдірді. Бұл жоба мүгедектігі бар жандарды қолдауға бағытталған маңызды бастама болар еді.
М.Жолдыхожаев ұсынысты қабылдап, партия мүшелерімен бірлесіп мәселенің шешілуіне ықпал ететінін жеткізді.