Алматы облысында тауға шығып, адасып кеткен 17 жастағы екі жасөспірім құтқарылды, - деп хабарлайды Aikyn.kz.
ТЖМ мәліметінше, жас туристер биіктігі 3050 метр болатын Фурманов шыңына көтерілген. Тауда адасқан жасөспірімдер ұялы телефон арқылы 112 нөміріне қоңырау шалып көмек сұрады
«Іздестіру-құтқару жұмыстарын жүргізу барысында ҚР ТЖМ Республикалық жедел-құтқару жасағының жедел тобы Алматы қаласының құтқару қызметімен бірлесіп адасқан азаматтарды «Панорама» шыңында құтқару лашығынан тапты», - делінген хабарламада.
Құтқарушылар жас туристерді қауіпсіз жерге түсіріп, ата-анасына тапсырды.