Талғардағы ұйымдасқан қылмыстық топтың жетекшісі атанған Хасан Қасымбаев ұсталғаны туралы ақпарат тарады,– деп хабарлайды Aikyn.kz.
Полиция ақпаратты кейін растады.
Өңірлік ПД баспасөз қызметінің мәліметінше, азамат Қ. 2 қарашада уақытша ұстау изоляторына қамауға алынған. Ол 2021 жылдың маусымында А.-ның денсаулығына қасақана ауыр зиян келтірді және ұрлады деген күдікке ілінген.
"Қазіргі уақытта қылмыстардың барлық мән-жайын жан-жақты, толық және объективті зерттеуді қамтамасыз ету үшін тергеу әрекеттерінің кешені жүргізіліп жатыр. Іс материалдары бұлтартпау шарасын санкциялау үшін сотқа жіберілді", – делінген хабарламада.
Тергеу облыстық Полиция департаменті басшылығының бақылауында. Тергеу мүддесі үшін өзге ақпарат жарияланбайды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.