Бірінші оқылымда депутаттарға ақпарат, қоғамдық даму, мәдениет және архив ісі салаларындағы нормалардың артық (шамадан тыс) заңнамалық регламенттелуін болғызбау мәселелері бойынша заңнамалық түзетулер мен дене шынықтыру және спорт туралы заң жобасын қарау ұсынылады.
Заң жобасында Қазақстан Президентінің «Әділетті Қазақстанның экономикалық бағдары» атты халыққа Жолдауын іске асыру аясында әзірленген «Келешек» бірыңғай ерікті жинақтау жүйесінің қызметін құқықтық реттеуді көздейтін нормалар қарастырылған. Бұл бағдарлама Мемлекеттік білім беру жинақтау жүйесінің қолданыстағы алаңында жүзеге асырылып, ата-аналар мен мемлекеттің бірлескен күшімен балалардың білім алу мүмкіндіктерін арттыруға мүмкіндік береді.
Депутаттар дене шынықтыру және спорт мәселелері бойынша да кейбір нормаларды жетілдірді. Тиісті заң жобасы спорттың басым түрлерін анықтау және оларды қаржыландыру, спорт түрлерін ранжирлеу жүйесін алып тастау, сондай-ақ мемлекет пен дене шынықтыру және спорт субъектілері арасындағы өзара әрекеттестікті күшейтуге бағытталған.
Сонымен қатар Мәжіліс жаңа заң жобаларын жұмысқа алады. Олардың ішінде креативті индустрияларды қолдау және дамыту, мұрағат ісі мәселелері бойынша заңнамалық жаңалықтар, сондай-ақ бірқатар халықаралық келісімді ратификациялау бар.