Алдағы үш күнде Қазақстанның басым бөлігінде ауа райы тұрақсыз болып, күн күрт суытады, – деп хабарлайды Aikyn.kz.
"Қазгидрометтің" мәліметінше, республиканың оңтүстік-батысында, оңтүстігінде, оңтүстік-шығысында қар мен жаңбыр түрінде жауын-шашын күтіледі.
Еліміздің солтүстігінде, шығысында және орталығында қарлы бұрқасын, көктайғақ, сондай-ақ елдің басым бөлігінде екпінді жел болады деп болжануда.
12 қарашада Шығыс Қазақстан облысында, 12-13 қарашада республиканың оңтүстік-шығысындағы таулы аудандарда қатты қар, 13 қарашада Қазақстанның оңтүстігінде нөсер жауын-шашын (жаңбыр, қар) жаууы мүмкін. Тек батыс өңірлерде, 14 қарашада елдің оңтүстігінде жауын-шашынсыз ауа райы күтіледі.
Батыс аймақтарда ауа температурасының түнде 0-11 аяздан 8 градус аяз -3 градус жылуға дейін, Қазақстанның солтүстік-батысында, солтүстігінде, орталығындағы өңірлерде түнде 8-18-ден 3-15 аязға дейін, күндіз 5-12-ден 0-8 аязға дейін, республиканың шығысында 13 қарашада ауа температурасының түнде 10-25 аязға дейін, күндіз 5-16 аязға дейін төмендеуі күтіледі.
14 қарашада түнде 7-20 градус аяз, күндіз 2-13 градус суық болады. Еліміздің оңтүстігінде, оңтүстік-шығысында ауа температурасы біртіндеп төмендейді, түнде +6 -6 градус, күндіз +3 - 5 градус аралығында болады.