Жазасын өтеп жатқан тұтқын піскен еттің ішіне телефон жасырған. Бұл туралы Aikyn.kz сайты Polisia.kz-ке сілтеме жасап хабарлайды.
№44 қауіпсіздігі төмен мекемеде жазасын өтеп жатқан ер адам ұялы телефонды еттің ішіне жасырып алып келген. Жазасын өтеп жатқан ол бұрын мекемеден ҚР Қылмыстық-атқару кодексінің 143-бабы негізінде қалаға барып келген, мекемеге оралған соң тексеруден өтті. Тексеру барысында піскен еттің ішінде жасырылған ұялы телефон табылып, мекеме қызметкерлері оны тәркіледі.
Оқиғаның мән-жайын анықтау үшін тергеу жүргізіліп жатыр.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.