15 қарашада Петропавл қаласындағы тұрғын үйлердің бірінде үш жасар бала байқаусызда есікті ішінен жауып алып, пәтерде жалғыз қамалып қалған. Ата-анасы үйге кіре алмай, құтқарушылар көмегіне жүгінді, – деп хабарлайды Aikyn.kz.
ҚР ТЖМ баспасөз қызметінің хабарлауынша, оқиға орнына шұғыл жеткен құтқарушылар алдымен жағдайды бажайлап, ақырында терезе арқылы пәтерге кірген.
– ТЖМ қызметкерлерінің жедел көмегінің арқасында оқиға оң шешілді. Осындай жағдайлар жиі болып тұрады, егер қарапайым қауіпсіздік ережелерін сақтасаңыз, олардың алдын алуға болады, – делінген хабарламада.