Павлодарда колледж студенттері түнде 4-қабаттан құлап кетті, – деп хабарлайды Aikyn.kz.
Облыстық Полиция департаментінің мәліметінше, оқыс оқиға түнгі сағат 01.15-те болған.
– Павлодардағы колледждердің бірінде оқитын 2 студент 4-қабаттан төсек жаймасы арқылы төменге түсіп бара жатқанда құлап кетті. 16 және 17 жастағы қыздар облыстық балалар ауруханасына жеткізілді, – делінген ресми ақпаратта.
Облыстық Денсаулық сақтау басқармасы зардап шеккен студенттерге медициналық көмек көрсетілгенін мәлімдеді.
– 17 жастағы қыздың миы шайқалған, бел омыртқасы созылған, бас сүйегінің жабық жарақаты мен оң жақ тізе буынының жарақатын алған. 16 жастағы қызға кеуде омыртқасының 1-дәрежелі сынуы деген диагноз қойылды. Олардың жағдайы орташа, – деп мәлімдеді олар.
Науқастарға барлық қажет медициналық көмек көрсетіліп жатыр.