Мемлекет басшысы Қасым-Жомарт Тоқаевты Белград әуежайында Сербия президенті Александр Вучич қарсы алды, – деп хабарлайды Aikyn.kz Ақордаға сілтеме жасап.
Қазақстан Президентінің бортын Сербия аспанында осы елдің әскери әуе күштерінің ұшақтары алып жүрді.
Сапар барысында жоғары деңгейдегі келіссөздер өтеді. Мемлекеттер басшылары екі елдің саяси, сауда-экономика, көлік-логистика және мәдени-гуманитарлық салалардағы өзара ынтымақтастығының перспективаларын талқылайды.
Келіссөздер қорытындысы бойынша, екіжақты келісімдерге қол қойылмақ. Сонымен қатар Сербияның премьер-министрі Милош Вучевичпен кездесу жоспарланған.
