Ғалымдар уақыттың әртүрлі жүйелердегі ағымын сипаттау үшін “жергілікті уақыт” деген жаңа тұжырымдаманы ұсынды. Бұл Дон мемлекеттік техникалық университеті мен Лиссабондағы NOVA университетінің зерттеуі Foundations сайтында жарияланған, – деп хабарлайды Aikyn.kz qadamasia-ға сілтеме жасап.
Теория бойынша, уақыт өз заңдарына сай қозғалып, әртүрлі жағдайларда жылдамдап, баяулап немесе өзгеруі мүмкін. Ғалымдардың айтуынша, уақытты нақты анықтау мүмкін емес, оны тек сезініп, өлшеуге болады. Адамзат уақыт туралы түсінікті күн мен түннің ауысуын бақылау арқылы шамамен 3 миллион жыл бұрын қалыптастырған.
Зерттеу математика әдістеріне сүйенген және оқиғалардың ретін сипаттайтын “жергілікті уақытты” нақты есептеуге болатынын көрсеткен. Бұл тұжырымдама құбылыстарды түсіндіруге және олардың болашақтағы дамуын болжауға мүмкіндік береді.