2 желтоқсан күні Қазақстан футбол федерациясы Сайлау комитетінің отырысы өтті. Отырыс қорытындысы бойынша ҚФФ мүшелері ұсынған Қазақстан футбол федерациясы президенттігіне үміткерлерді тіркеу туралы шешім қабылданды, – деп хабарлайды Aikyn.kz.
ҚФФ баспасөз қызметінің мәліметінше, ҚФФ президенттігіне тіркелген үміткерлердің алдын ала тізімі мынадай:
- Даумов Алтай Алмасұлы, "Алматы облысының футбол қауымдастығы" ЗТБ атынан;
- Жамантаев Ерлан Айтпайұлы, "Жеке футбол мектептері мен академияларының республикалық лигасы" ЗТБ атынан;
- Қайыров Ербол Қыдырбекұлы, "Ақмола облысының футбол қауымдастығы" ЗТБ атынан;
- Лория Давид Григорьевич, "Қарағанды облысының футбол қауымдастығы" ЗТБ атынан;
- Мағау Наргис Ерланқызы, "Para Football League" ҚБ атынан;
- Омаров Марат Талғатұлы, "Астана қаласының футбол федерациясы" қауымдастығы ЗТБ атынан.
Осылайша, ҚФФ мүшелерінен барлығы алты үміткер ұсынылды.
Бұған дейін ҚФФ-ның экс-президенті Әділет Барменқұловтың өз еркімен қызметінен кеткені туралы хабарлаған едік.