13 жылдан астам уақыт бойы жасырынған қылмыскер Жамбыл облысының ауылдарының бірінде ұсталды, – деп хабарлайды Aikyn.kz Polisia.kz-ке сілтеме жасап.
2011 жылы Арқалық маңында 1 тоннадан астам марихуана тасымалдаған қылмыстық топ ұсталды. Операция барысында сегіз адам қамауға алынды, бірақ күдіктілердің бірі жасырынып үлгерген.
Іздеу жұмыстарын тоқтатпаған тәртіп сақшылары қаскүнемді құрықтады. Биылғы жылдың қараша айында ІІМ Криминалдық полиция департаментінің қызметкерлеріне іздеуде жүрген адамның Жамбыл облысындағы ауылдарының бірінде екені туралы жедел ақпарат келіп түсті.
Жүргізілген жедел-іздестіру шараларының нәтижесінде күдікті ұсталып, уақытша ұстау изоляторына қамалды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.