СҚО Айыртау ауданындағы Имантау мен Арықбалық ауылдарының арасында ТЖД құтқарушылары, ПД мен жергілікті атқарушы органдардың қызметкерлері және жергілікті тұрғындар бірлесіп 43 жастағы азаматты іздеді, – деп хабарлайды Aikyn.kz.
ТЖМ баспасөз қызметінің мәліметінше, ер адам Имантау ауылынан жылқыларды айдауға шығып, жоғалып кеткен. Іздеуді күшейту үшін дрон қолданылды.
Құтқарушылар Имантау ауылынан 8 км қашықтықтағы ашық аумақтан жоғалған азаматты аман-есен тауып, елді мекенге жеткізді. Оған медициналық көмек қажет болған жоқ.