Ақын, драматург, Қазақстанның халық жазушысы Мұхтар Шаханов Мұхтар Мағауиннің қазасына байланысты көңіл айтты, – деп хабарлайды Aikyn.kz Ulysmedia.kz порталына сілтеме жасап.
Мұхтар Шаханов Мұхтар Мағауин өмір бойына ұлт тарихына еңбек еткенін айтты.
«Қазақ әдебиетінің үлкен бәйтерегі құлады. Мұхтар Мағауин – өмір бойы ұлттың тарихына еңбек еткен адам. Осыған орай бүкіл қазақ халқына көңіл айтамын», – деді Мұхтар Шаханов.
Айта кетейік, Қазақстанның халық жазушысы Мұхтар Мағауин 10 қаңтарда (Астана уақыты бойынша) 85 жасына қараған шағында өмірден өтті. Қаралы хабарды жазушының ұлы Едіге Мағауин әлеуметтік желідегі парақшасында жазды.
Бұған дейін жазушы-драматург Дулат Исабеков Мұхтар Мағауиннің қазасына қатысты пікір білдіріп, кезінде баспасөз бетінде өзімен айтысқан ұлы жазушының ұлт алдындағы жақсылығын айтып, әруағынан кешірім сұраған еді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.