Танымал әнші Серік Ибрагимов өзіне, әйеліне алған көліктерін көрсетіп, көрімдік сұрады, – деп жазады Aikyn.kz.
Өнер иесі жеке парақшасында видео бөлісіп, су жаңа көліктерінің маркасын да жасырмады.
“Біздің жаңа темір тұлпарларымыз. Баршаңызға жұғысты болсын! Көрімдік жіберемін дейтін ойыңыз болса, Айнамкөзге жіберіңіз”, – деп жазды әнші.
Алайда, өнер иесі ешкімнің көрімдік аудармағанын айтып, ренішін жеткізді.
“Бірде-бір адам көрімдік бермеді. Осы адамдар қызық?! Жұғысты болу үшін көрімдік беру керек емес пе?! Біз болсақ барымызды береміз. Мынау майды ішеді екен. Машинамның маркасы анық көрініп тұр. Құны – 100 миллион теңге”, – деді өнер жұлдызы.