Елбасы – Nur Otan партиясының Төрағасы Нұрсұлтан Назарбаевтың тапсырмасы бойынша партиялық жобалардың аясында 18 наурыздан бастап #Bizbirgemiz акциясы басталды. Қазіргі таңда Nur Otan партиясының Алматы қалалық филиалымен 1 000-нан аса мұқтаж жандарға көмек көрсетілді.
Карантин кезеңінде егде жастағы жалғызбасты адамдарға азық-түлік сатып алу және тамақ дайындау қиындық тудырады. Осыған орай, #Bizbirgemiz акциясы мен «Ардагерлерді ардақтайық» партиялық жобасының аясында Nur Otan партиясының Алматы қалалық филиалы, Алматы қаласының әкімдігі және Nomad MMA республикалық федерациясы 27 наурыздан бастап 90 жастан асқан жалғызбасты қарт адамдардың үйіне тегін ыстық тамақ жеткізуді ұйымдастыра бастады.
«NOMAD MMA Федерациясы, қазақстандық ММА аралас жауынгерлік жекпе-жегі бойынша біріккен федерациясы және Қазақстанның жауынгерлік өнер қауымдастығымен бірлесе отырып #Biz-birgemiz акциясын қолдау мақсатында карантин кезеңінің аяғына дейін 90 жастан асқан барлық жалғызбасты қарт адамдарды күн сайын ыстық тамақпен қамтамасыз етуде өз үлесімізді қосайық деп шештік. Қазір бұл адамдарға көмек қажет, олардың тамақ дайындауға шамасы жоқ. Біз көмек қажет болған кезде шет қалмаймыз және барлық күш-жігерімізді жұмсаймыз», – деді Nomad ММА федерациясының президенті Гаджи Гаджиев.
Сонымен қатар ол спортшыларды жай ғана өсіру емес, жас ұрпақты отансүйгіш рухта тәрбиелеп, салт-дәстүрімізді сақтап, аға буынға құрмет пен қамқорлық жасауды үйрету керегін айтты.
«Jas Otan жастар қанатының еріктілері күн сайын аз қамтылған азаматтарға көмек көрсетіп жүр. Арнайы шотқа қаражат бөлген кәсіпкерлер де шет қалмай, өздерінің қомақты үлесін қосуда. Осы қиын-қыстау уақытта барлық азаматтарды бірігіп, бір-біріне көмектесуге шақырамыз. #Bizbirgemiz, – деді Jas Otan ЖҚ Алматы қалалық филиалының төрағасы Мәди Ахметов.Өз кезегінде тыл ардагері Оразкүл Мамисерова: «Nur Otan партиясына рақмет! Ешқашан біз сияқты ардагерлерді ұмытқан емессіздер. Бұл – шынымен де сенуге болатын партия. Елбасы мен Президентімізге бізге арнап жасап жатқан қамқорлығы үшін мың алғыс!», – деді.
Аталған акция аясында карантин кезеңінің аяғына дейін күн сайын 400-ден астам аса қажеттілікті талап ететін қарт адамдарды ыстық тамақпен қамтамасыз ету жоспарланған.
Сонымен қатар ол спортшыларды жай ғана өсіру емес, жас ұрпақты отансүйгіш рухта тәрбиелеп, салт-дәстүрімізді сақтап, аға буынға құрмет пен қамқорлық жасауды үйрету керегін айтты.
«Jas Otan жастар қанатының еріктілері күн сайын аз қамтылған азаматтарға көмек көрсетіп жүр. Арнайы шотқа қаражат бөлген кәсіпкерлер де шет қалмай, өздерінің қомақты үлесін қосуда. Осы қиын-қыстау уақытта барлық азаматтарды бірігіп, бір-біріне көмектесуге шақырамыз. #Bizbirgemiz, – деді Jas Otan ЖҚ Алматы қалалық филиалының төрағасы Мәди Ахметов.
Өз кезегінде тыл ардагері Оразкүл Мамисерова: «Nur Otan партиясына рақмет! Ешқашан біз сияқты ардагерлерді ұмытқан емессіздер. Бұл – шынымен де сенуге болатын партия. Елбасы мен Президентімізге бізге арнап жасап жатқан қамқорлығы үшін мың алғыс!», – деді.
Аталған акция аясында карантин кезеңінің аяғына дейін күн сайын 400-ден астам аса қажеттілікті талап ететін қарт адамдарды ыстық тамақпен қамтамасыз ету жоспарланған.