Tengrinews.kz жазуынша, коронавирустан жазылған адам одан кейін де өзгелерге вирус жұқтыруы мүмкін.
Сондықтан қазіргі уақытта қытайлық ғалымдар коронавирустан жазылып, ауруханадан шыққандардың карантиндегі мерзімін ұзартуға шақырады.
Мамандардың айтуынша, ауруханадан шығарылған адам 1-8 күн уақыт вирус таратушы болып жүреді.
"Бүгінде коронавирустың алдын алудың жалғыз әрі тиімді жолы - өзін-өзі оқшаулау. Бұл басқа адамдарды жұқтыру қаупін төмендетеді", - дейді ғалымдар.
Айта кетейік, Қазақстанда коронавирус жұқтырғандар саны 336 адамға жетті. 22 адам қатерлі дерттен айығып шықты.
Коронавирустан жазылған адам вирус тарата беруі мүмкін – 22 қазақстандық дерттен айықты
