Мәдениет және спорт министрлігіне қарасты республикалық ұйымдар 21 наурыздан бастап ауруханаларға, әлеуметтік мекемелерге және өз қызметкерлері үшін медициналық бетперде тігу акциясын бастаған. Олар санитарлық-гигиеналық норманы сақтай отыра тіккен 15 мыңнан астам көп рет қолданылатын бетпердені тиісті мекемелерге тапсырған.
Министр Ақтоты Райымқұлова орталық комитетте өткен баспасөз мәслихатында аталған акция туралы толыққанды мәлімет берді. Жұмыла көтерген жүктің жеңіл екенін айта келе, бұл сынақтан да бірліктің арқасында сүрінбей өтетінімізге сенетінін айтты. Коронавирусқа қарсы науқанға әркім қолынан келгенше көмек қолын созып жатқанын атап өтті. Министрлікке бағынышты мекемелер елдегі жағдайдың оңалуына тамшыдай болса да үлес қосып жатқанын жеткізді. Мысалы, осыған дейін олар 15 мыңнан астам көп рет қолданылатын бетпердені тиісті ұйымдарға табыстаған. Сонымен бірге, өңірлік мәдениет ұйымдары да акцияға атсалысып, 20 мыңнан астам бетперде тіккен.
Мұнымен қоса, министрлікке қарасты мекемелер жағдайы төмен азаматтарға азық-түлік, дәрі-дәрмек, материалдық көмек көрсеткен. Сондай-ақ министр ақ халаттыларға жан-жақтан қолдау көтсетіліп жатқанын атап өтті. Қазір дәрігерлерге ақындар өлең шумағын, композиторлар әнін, ел алғысын арнап жатқанын айтты. Өзі де дәрігерлерге шексіз алғысын білдіріп, бұл сынақты мыңның күшімен, ауызбіршілікпен еңсеретінімізді жеткізді.
Мұнымен қоса, министрлікке қарасты мекемелер жағдайы төмен азаматтарға азық-түлік, дәрі-дәрмек, материалдық көмек көрсеткен. Сондай-ақ министр ақ халаттыларға жан-жақтан қолдау көтсетіліп жатқанын атап өтті. Қазір дәрігерлерге ақындар өлең шумағын, композиторлар әнін, ел алғысын арнап жатқанын айтты. Өзі де дәрігерлерге шексіз алғысын білдіріп, бұл сынақты мыңның күшімен, ауызбіршілікпен еңсеретінімізді жеткізді.