Мемлекет басшысы үндеуінде 800 мыңнан астам азамат тұрмысқа қажетті заттар мен тегін азық-түлік алатынын айтты. Мұндай жеңілдікке қол жеткізу үшін не істеу керек? Қажеттіліктерді тарату механизмі мен Президент тапсырған жауапты міндетті кім атқаратынын төменде тарқатамыз.
Nur Otan партиясы, жергілікті әкімдік пен Нұр-Сұлтан қаласы Жастар саясаты басқармасы қызу жұмыс істеп жатыр. Жауапты азаматтар таңғы сағат 7-ден бастап азық-түлік жиынтығын реттейді. Түске жақын аумаққа волонтерлар келеді. Олар әкімдік жасаған тізім бойынша азық-түлік жиынтығын тиесілі жерге жеткізеді. Қалада карантин енгізген тұста күніне 300-500 қорап тарататын. Қазір елордада карантин күшейтілгендіктен, күніне 30-80-ге жуық отбасын қуантып қайтады. Десек те, волонтерлар мен жауапты қызметкерлер жұмысын ыждаһатпен атқарады. Өйткені қажетін алған отбасы жүзіндегі қуанышты көру оларға күш береді. Сондықтан белгіленген межеге жетпей тынбайтындарын айтады.
Иә, олар бастапқыда жарты миллион адамды азық-түлік жиынтығымен қамтитын болған. Ақпарат және қоғамдық даму министрі мұндай көмекпен 500 мыңнан астам адам қамтылатынын айтқан. Карантин аймағында тұратын және атаулы әлеуметтік көмек алатын отбасылардың 6 жастан 18 жасқа дейінгі балалары мен ересек мүшелері, сонымен қатар I топтағы барлық мүгедек жан қамтамасыз етілетінін атап өткен.
Кейіннен Мемлекет басшысы үндеуінде қазіргі жағдайды саралай келcек, тегін азық-түлік 800 мыңнан астам адамға берілетінін мәлімдеді. Аталған көмекке қол жеткізу үшін адамның әлеуметтік жағдайы қандай болуы керек дерсіз. Тұрмысқа қажетті заттар мен азық-түлік I,II,III топ мүгедектеріне, мүмкіндігі шектеулі балаларға, мүгедек баланы тәрбиелеуші, аз қамтылған отбасылар мен ресми тіркелген жұмыссыздарға беріледі. Сондай-ақ Президент азық-түлікті өндіру мен жеткізуге жергілікті шағын және орта бизнес тартылуы тиіс екенін айтты. Әрі әлеуметтік көмектің әділ үлестірілуін қамтамасыз ететін платформа дайындауға отандық ІТ компанияларды жұмылдыруды тапсырды.
Жоғарыда жасына қарамастан, үш санаттағы мүгедек адамдар мен мүмкіндігі шектеулі балалардың тегін азық-түлік алатынын жаздық. Елімізде мұндай санатта 995 мың адам тіркелген. Оған қоса мүмкіндігі шектеулі балаларды бағып отырған ата-аналар да көмек алады. Ал ресми тіркелген жұмысшыға келсек, мемлекетімізде осындай мәртебесі бар 1,5 млн адам тұрады.
Ал Президент тапсырған бұл шараны жергілікті жерлердегі әкімдер жүзеге асырады. Әрине, волонтерлар мен ұйым өкілдері қол ұшын созады. Jas Otan Жастар қанатының төрағасы Елнұр Бейсенбаевтың айтуынша, олар бүгінге дейін #BizBirgemiz акциясы аясында 23 мың отбасыға тегін азық-түлік жиынтығын жеткізген. Осы мақсатта барлық аймақ бойынша 2 мыңға жуық волонтер қызмет атқарады. Ол тарату жұмысы кезінде санитарлық талаптың бәрі орындалатынын жеткізді. Акция барысында байланыссыз есіктен-есікке қағидасымен жұмыс істейді екен. Волонтерларды арнайы медициналық бетпердемен, қолғаппен қамтамасыз еткен.
Жоғарыда жауапты қызметкерлер мен волонтерлардың күн тәртібін жаздық. Жұмыс механизмі жайлы бізге Нұр-Сұлтан қаласы Жастар саясаты басқармасының басшысы Дәулет Кәрібек айтып берді. Олар осыған дейін 3 709 отбасына азық-түлік жиынтығы мен тұрмысқа қажетті заттарды жеткізген. Сонымен бірге олар Альфа фарммен бірігіп, елордада 80 мың медициналық бетперде таратқан. Медициналық бетпердені жүкті әйелдерге, онкологиялық ауруға шалдыққан азаматтар мен мүмкіндігі шектеулі жандарға берген. Әрі учаскелік дәрігерлермен біріккен волонтерлар оларға медициналық бетпердемен бірге тегін медициналық көмектің кепілдендірілген көлемін ұсынған.
Жоғарыда жасына қарамастан, үш санаттағы мүгедек адамдар мен мүмкіндігі шектеулі балалардың тегін азық-түлік алатынын жаздық. Елімізде мұндай санатта 995 мың адам тіркелген. Оған қоса мүмкіндігі шектеулі балаларды бағып отырған ата-аналар да көмек алады. Ал ресми тіркелген жұмысшыға келсек, мемлекетімізде осындай мәртебесі бар 1,5 млн адам тұрады.
Ал Президент тапсырған бұл шараны жергілікті жерлердегі әкімдер жүзеге асырады. Әрине, волонтерлар мен ұйым өкілдері қол ұшын созады. Jas Otan Жастар қанатының төрағасы Елнұр Бейсенбаевтың айтуынша, олар бүгінге дейін #BizBirgemiz акциясы аясында 23 мың отбасыға тегін азық-түлік жиынтығын жеткізген. Осы мақсатта барлық аймақ бойынша 2 мыңға жуық волонтер қызмет атқарады. Ол тарату жұмысы кезінде санитарлық талаптың бәрі орындалатынын жеткізді. Акция барысында байланыссыз есіктен-есікке қағидасымен жұмыс істейді екен. Волонтерларды арнайы медициналық бетпердемен, қолғаппен қамтамасыз еткен.
Жоғарыда жауапты қызметкерлер мен волонтерлардың күн тәртібін жаздық. Жұмыс механизмі жайлы бізге Нұр-Сұлтан қаласы Жастар саясаты басқармасының басшысы Дәулет Кәрібек айтып берді. Олар осыған дейін 3 709 отбасына азық-түлік жиынтығы мен тұрмысқа қажетті заттарды жеткізген. Сонымен бірге олар Альфа фарммен бірігіп, елордада 80 мың медициналық бетперде таратқан. Медициналық бетпердені жүкті әйелдерге, онкологиялық ауруға шалдыққан азаматтар мен мүмкіндігі шектеулі жандарға берген. Әрі учаскелік дәрігерлермен біріккен волонтерлар оларға медициналық бетпердемен бірге тегін медициналық көмектің кепілдендірілген көлемін ұсынған.
Айзат АЙДАРҚЫЗЫ