– Тігін цехында 27 жұмысшы бар. Олар еңбегінің ақысы ретінде күніне 3 000 теңгеден алады. Бетпердені көпшіліктің қажеті үшін ғана тігеміз. Бұл бизнес емес, ешқандай пайда келмейді. Керісінше, шығыны көбірек. Бірақ еліміз үшін осындай қиын кезеңде шын ниетімізбен көмек қолын созғымыз келді, – дейді Оразалы Кенжебеков.Айта кетейік, Оразалы мұндай қайырымдылық жобаға алғаш рет қатысып отырған жоқ. Бұған дейін де ерікті түрде көптеген қоғамдық жұмысқа белсене атсалысып жүрген ол «Бақытты отбасы» партиялық жобасы аясында 100 көпбалалы және аз қамтылған отбасыға тігін машиналары мен электр пештерін сыйға тартты. Ол мұны көпбалалы аналардың өз ісін ашуына жәрдемдесу үшін жасаған.
– Кез келген кәсіп қарапайым адамдардың игілігі үшін керек, – дейді О.Кенжебеков.
Әбілмансұр ЖАСАН