Nur Otan партиясының «Қазақстан – 2021: Бірлік. Тұрақтылық. Жасампаздық» бағдарламасының «Денсаулық сақтау» бағыты бойынша комиссия отырысы өтті.
Nur Otan партиясының Орталық аппаратында партиялық куратор, Мәжіліс депутаты Зәуреш Аманжолованың төрағалығымен өткен жиында денсаулық саласын дамыту мәселелері талқыланды.
Жиында «Денсаулық» 2016-2019 жылдарға арналған мемлекеттік бағдарламасы шеңберінде бюджеттік және Ұлттық қоры қаражаттарының жұмсалуының тиімділігін талқылады. Денсаулық сақтау саласын дамытудың 2020-2025 жылдарға арналған мемлекеттік бағдарламасы жүзеге асады.
Басты мақсат – 2050 жылға дейін стратегияда көрсетілген дамыған экономиканың және жалпыға ортақ еңбектің негізінде дамыған қоғам құру. Әлемнің дамыған отыз елінің қатарына ену. Дамушы елдердің арасында бәсеке жоғары. Оның ішінде денсаулық сақтаудың қазіргі заманға сай және тиімді жүйесін құрған жөн.
Бағдарлама шеңберінде үш жыл қорытындысы бойынша өмір сүру ұзақтығы былтыр 73,15 жыл болған. Денсаулық индексі – 0,818, халықтың медициналық көмектің сапасының деңгейі – 47,8%. Өлім-жітім – 3,1%, нәресте өлім-жітімі – 6,5, ана өлімі – 9,1%, қан айналым жүйесінің ауруынан болатын өлім-жітім – 6,5%, қатерлі ісіктерден болатын өлім-жітімі – 8,2%, туберкулез дертінен болатын өлім-жітім көрсеткіші 29,4%-ға төмендеді.
Мемлекеттік бағдарлама шеңберінде 679,9 млрд теңге қаржы бөлінді. Болашақта іске асатын жаңа мемлекеттік бағдарламаның мақсаты – «Сапалы және қолжетімді денсаулық сақтауды дамыту және туу кезіндегі күтілетін өмір сүру ұзақтығын 2025 жылы 75 жасқа дейін ұзарту.
Мақсатты жүзеге асыру үш деңгейден тұрады.
Біріншіден, халық арасында саламатты өмір салтын ұстануды насихаттау. Екіншіден, медициналық көмектің сапасын арттыру. Адами капиталды дамыту, медициналық көмекті көрсету және денсаулық сақтауда бірыңғай цифрлық кеңістік құру арқылы жүзеге асырылады.
Үшіншіден, денсаулық сақтау жүйесінің тұрақтылығын қолдауға бағытталған. Оған міндетті әлеуметтік медициналық сақтандыруды жүзеге асыру, инвестициалық ахуалды жақсарту және денсаулық сақтауды тиімді басқару кіреді.