ДДСҰ Қытайда коронавирустың қалай шыққанын зерттеуге кірісті , - деп хабарлайды "Хабар 24".
Дүниежүзілік денсаулық сақтау ұйымы COVID-19-дың қалай шыққанын зерттеу үшін Қытайға жұмыс тобын жібереді. Бұл туралы Дүниежүзілік денсаулық сақтау ұйымының басшысы Тедрос Гебрейсус мәлімдеді.
"Бұл вирустың қалай басталғанын білсек, онымен дұрыс күресетін боламыз", - деп түсіндірді ұйымның бас директоры.
30 маусымдағы таңғы жағдай бойынша, дүние жүзінде коронавирус жұқтырғандар саны 10,2 миллионнан асты. Мұндай мәліметті Джонс Хопкинс университеті келтірді.
Университет мәліметі бойынша, дүние жүзінде 10 268 786 адамнан коронавирус табылған. 504 345 науқас қайтыс болған, ал 5 209 809 адам аурудан жазылған.
