Үндістан билігі коронавирусқа қатысты сақтық шараларын елемейтін тұрғындармен өзгеше тәсілмен күреседі, – деп хабарлайды «Хабар 24».
Телеарнаның хабарлауынша, Гвалиор қаласында маскасыз жүргендер мен өзге де санитарлық талаптарды сақтамағандар 3 күн бойы қауіпті вирусқа шалдыққандарды емдейтін ауруханада жұмыс істеуге міндеттеледі. Болмаса полицейлердің бақылау-өткізу бекеттерінде еңбек етеді. Ережені елемегендер айыппұл төлейді.
Үндістан коронавирус жұқтырғандар саны бойынша әлемде үшінші орында тұр. Тұрғындар қоғамдық орында міндетті түрде бетперде тағып жүруі тиіс.
