Moody's Investors Service (Moody's) жергілікті және шетелдік валютадағы Қазақстан Үкіметі эмитентінің ұзақмерзімді рейтингін Baa3 деңгейінде анықтап, оның болжамын «тұрақтыдан» «жағымдыға» өзгертті.
Сондай-ақ шетелдік валютадағы кепілсіз борыштық рейтингтер мен ортамерзімді ноталар да Baa3 және (P) Baa3 деңгейінде анықталды.
Moody's пікірінше, рейтинг болжамының «жағымдыға» өзгеруі Қазақстан экономикасының стресске тұрақтылығының артуын байқатып отыр. Оған түрлі саладағы табыстың артуы да септігін тигізуде. Оған қоса, экономикалық реформалардың перспективасы, бюджет резервін ұтымды және тиімді басқара алу қабілеті Қазақстанның несиелік мүмкіндігінің одан ары артып, бұдан да жоғары көрсеткішке қол жеткізе алу қабілетінің барын көрсеткен.
Қазақстан рейтингінің Baa3 деңгейінде анықталуы Үкімет активтері мен пассивтерінің тұрақты тепе-теңдігін көрсетті. Бұл төмен қарыз жүктемесі және ауқымды бюджет резервімен, мұнай нарығындағы ұзақмерзімді тұрақтылық көрсеткішімен, институционалды қабілеттіліктің өсуімен расталған.
Айта кетерлігі, Қазақстан үшін ұлттық валютадағы ұзақмерзімді облигация мен депозит рейтингінің жоғарғы шегі әлі де Baa1 деңгейінде. Ал шетел валютасындағы облигация мен депозит бойынша ұзақмерзімді рейтингтің жоғары шегінде өзгеріс жоқ. Сонымен қатар шетел валютасындағы облигация мен депозит бойынша қысқамерзімді рейтингтердің жоғары шегі P-2 және P-3 деңгейінде қалған.
Аталып өткен барлық көрсеткіш елде тіркелген өзге де шаруашылық жүргізуші субъектілердің облигацияларына жатқызылуы мүмкін.
Маржан ЕРТІС