«Бізге бірнеше адамнан арыз түсті. Осы жерге топ мүшелері, қала әкімі, оның орынбасары және мешіт имамы бастап, 5 адам болып, келіп тұрмыз. Шынымен, ұзындығы 25 метр, ені 4 метр жерді қоршап алған. Ішінде бір кісі ғана жерленген, қалған жер бос. Өлшемі басқа зираттармен салыстырғанда әлдеқайда үлкен. Бұл істің қаншалықты заңды немесе заңсыз екенін білу мақсатында келіп тұрмыз», – дейді Мәуілхан Сағатбек. Бұл мәселеге байланысты Зайсан аудандық ішкі саясат басқармасы түсініктеме берген екен. Олардың айтуынша, «бір азамат зираттағы жерді заңсыз қоршап алған. Бұл жұрттың таңданысын туғызды. Әлеуметтік желіде хабар тараған соң, қала әкімі жерді барып көрді. Барса, зират ішіндегі жер қоршалып тұр. Кейін осы жердің иесін тапты. Ол 2000 жылдары Қытайдан көшіп келген қандасымыз екені анықталды. Ол ешкімнен сұрамай, зираттағы жерді өз еркімен қоршап алыпты», – дейді. Қазір жерді қоршап алған адам халықтан кешірім сұрап, қайтарып беріпті.
Ж. НҰРЛАНҰЛЫ