– Мешіттің ең негізгі жаңалығы, күн сәулесімен жабдықталған. Бұл – әлемдегі ең бірінші мешіт. Оңтүстікте мұны қолға алса, өте жақсы болар еді деп ойлаймын. Бұл – елордада ашылған оныншы мешіт. Құрылысы да ерекше, – дейді Рыскелді қажы мешітінің бас имамы Яхия қажы Абдуллаұлы.
Имамның айтуынша, келушілерге қолайлы. Үш мыңдай жамағат сыяды. Әрі электр қуатына тәуелді емес. Біз атаған құрылғылар арқылы күн көзінен қуат алып отыр. Бұл шығындарды азайту үшін ойлап тапқан құрылғы еді. Қазір мешітті толық қамтуға жетіп тұр. Артылғанын қалаға таратады екен. Ол үшін арнайы мекемелермен келісімшарт жасалған.
