Бүгінде партияішілік праймеризге 10 мыңнан астам кандидат қатысып жатыр. Олар сайлаушылармен кездесулер өткізеді, бәсекелестерімен әлеуметтік желілерде пікірсайысқа түседі, сайлаушылардың тапсырысын жинайды және депутат болып сайлана қалса, өз аймақтарының мәселелерін шешуге уәде береді.
«Праймеризге виртуалды дауыс беру 2020 жылдың 1 қазанында сағат 00.00-де басталып, 3 қазанда сағат 14.00-ге дейін созылады. Сайлаушылар учаскелерде 2020 жылдың 3 қазаны күні сағат 08.00 – 14.00 аралығында дауыс бере алады», – деп көрсетілген хабарламада.
Партия кез келген айла-шарғыны, бұрмалаушылықтар мен сайлау науқанының лас тәсілдерін қатаң түрде тыятынын мәлімдеді. Дегенмен праймериздің барлық процесі ашық және әділ өтеді. Партия хатшылары сайлау науқанындағы маңызды сәттерді әлеуметтік желілерде және партия мүшелерімен кездесулерде түсіндіруде.
Өз ЖСН-іне, ұялы телефон нөмірі мен IP-адресіне сүйене отырып, тек «Nur Otan» партиясының мүшелері ғана дауыс бере алады. Сайлаушылар төрт дауыс беру тәсілінің біреуін ғана таңдай алады: арнайы мобильді қосымша арқылы, primaries.kz сайты арқылы, учаскеде онлайн-дауыс беру арқылы немесе интернет қолжетімсіз жерде дәстүрлі қағаз бюллетеньді пайдалану арқылы. Партия мүшелері өздерінің сайлау аймағындағы кез келген бірнеше кандидатқа дауыс беруге құқылы.
«Кандидаттардың мәліметтері, олардың праймериз нәтижелері бойынша алған рейтингтері 5 қазанда партияның сайтында, сонымен қатар «Nur Otan» партиясының әлеуметтік желілердегі парақшаларында жарияланады. Рейтингі жоғары қатысушылар аудандық, қалалық немесе облыстық саяси бірлестік филиалдары конференцияларында партиялық тізімдегі орындар үшін күресті жалғастырады», – деп хабарлады партияның баспасөз қызметі.
Қатысушылардың қайсысының депутаттыққа кандидат болу мүмкіндігін иеленетіндіктерін аудандық, қалалық, облыстық конференциялардың делегаттары анықтайды. Олар «Nur Otan» партиясының аймақтық филиалдарының белгіленген квоталарына сәйкес, ұсынылған праймериз жеңімпаздары мен партия мүшелерін өкілді органдарға сайлау үшін партиялық тізімдер жасайды. Сонымен қатар барлық партиялық тізімде әйелдердің кемінде 30 пайызы және 35 жасқа дейінгі жастардың 20 пайызы ұсынылуы тиіс.
Партия съезінде делегаттар Парламент Мәжілісіне депутаттарды ұсынудың түпкілікті партиялық тізімін қабылдайды, оған праймериз жеңімпаздары да, Орталық партиялық квота бойынша кандидаттар да кіреді.
«Nur Otan» партиясы атап өткендей, партияішілік сайлау Елбасы – Қазақстанның Тұңғыш Президенті Нұрсұлтан Назарбаевтың бастамасымен қолға алынған партияны «қайта жандандырудың» маңызды кезеңдерінің бірі саналады.
Праймериз өткізу ережелерін
бұзғандар анықталды
«Nur Otan» Партиялық бақылау комитеті әлеуметтік желіде тараған Түлкібас ауданының партия мүшелерін праймеризде белгілі бір үміткерлерге дауыс беруге мәжбүрлеу туралы ақпаратты тексерді. Тексеру қорытындысы бойынша Түлкібас ауданына қарасты Сартөбе кентіндегі мектептің директоры Гүлжан Әмірбекова білім ордасындағы ұстаздарды бірқатар үміткерге, оның ішінде жұбайына дауыс беруге мәжбүрлеп, «Nur Otan» партиясының Праймериз өткізу ережелерін өрескел бұзғаны белгілі болды.
Түлкібас аудандық филиалының Партиялық бақылау комиссиясы «Сартөбе» БПҰ-ға Гүлжан Әмірбекованы «Nur Otan» партиясының қатарынан шығаруды ұсынды. Сонымен қатар партияішілік іріктеу өткізу жөніндегі облыстық Ұйымдастыру комитетінің шешімімен оның жұбайы Нұрлан Әмірбеков праймериз үміткерлері қатарынан шығарылды. Сондай-ақ партияның Түлкібас аудандық филиалы төрағасының бірінші орынбасары Қуатбек Еркебаевқа қатысты партиялық тәртіптік жаза қолданылды.
«Nur Otan» партиясының Партиялық бақылау комитеті Ақмола облысында да праймериз өткізу ережесінің талаптарын бұза отырып, дауыс беруді өткізбек болған әрекетті анықтады. Партияның баспасөз қызметінің мәліметінше, Ақмола облысы Сандықтау ауданындағы «Білім» БПҰ төрағасының орынбасары «Nur Otan» партиясының праймеризін өткізу ережесін бұзып, жаппай дауыс беруді ұйымдастыруға шақырған.
30 қыркүйекте осы мәселе бойынша партияның Ақмола облыстық филиалында партиялық бақылау комитетінің отырысы өтті. Онда Сандықтау аумақтық филиалы Саяси кеңесінің бюросына партиялық жауапкершілік туралы мәселені қарауды және Сандықтау аумақтық филиалы төрағасының бірінші орынбасары Л.Ловягинаға «ескерту» партиялық жазалау шарасын, сондай-ақ «Білім» БПҰ төрағасы Ж.Қайырымденов пен праймериз ережесін бұзғаны үшін «Білім» БПҰ төрағасының орынбасары Ю.Барахоеваға сөгіс түріндегі партиялық жазаны қолдануды ұсыну туралы шешім қабылданды.
«Nur Otan» баспасөз қызметі Елбасы – Партия Лидері Нұрсұлтан Назарбаевтың партия ішіндегі сайлауда ашық, анық және әділ дауыс беруді қамтамасыз ету қажеттігі туралы тапсырмасын орындау аясында Орталық аппарат жергілікті жерлердегі осындай әрекеттердің қатаң түрде жолын кесетінін атап өтті.
Айта кетейік, праймериз өткізу ережесін бұзу деректері бойынша 8 (800) 080 4441 жедел желісіне (қоңырау шалу тегін) немесе komek@nurotan.kz. электронды поштасына хабарласуға болады. Барлық жайтты Партиялық бақылау комитеті егжей-тегжейлі зерттейді. Кінәлілерге партиядан шығаруға дейінгі қатаң шаралар қолданылады.
Түлкібас аудандық филиалының Партиялық бақылау комиссиясы «Сартөбе» БПҰ-ға Гүлжан Әмірбекованы «Nur Otan» партиясының қатарынан шығаруды ұсынды. Сонымен қатар партияішілік іріктеу өткізу жөніндегі облыстық Ұйымдастыру комитетінің шешімімен оның жұбайы Нұрлан Әмірбеков праймериз үміткерлері қатарынан шығарылды. Сондай-ақ партияның Түлкібас аудандық филиалы төрағасының бірінші орынбасары Қуатбек Еркебаевқа қатысты партиялық тәртіптік жаза қолданылды.
«Nur Otan» партиясының Партиялық бақылау комитеті Ақмола облысында да праймериз өткізу ережесінің талаптарын бұза отырып, дауыс беруді өткізбек болған әрекетті анықтады. Партияның баспасөз қызметінің мәліметінше, Ақмола облысы Сандықтау ауданындағы «Білім» БПҰ төрағасының орынбасары «Nur Otan» партиясының праймеризін өткізу ережесін бұзып, жаппай дауыс беруді ұйымдастыруға шақырған.
30 қыркүйекте осы мәселе бойынша партияның Ақмола облыстық филиалында партиялық бақылау комитетінің отырысы өтті. Онда Сандықтау аумақтық филиалы Саяси кеңесінің бюросына партиялық жауапкершілік туралы мәселені қарауды және Сандықтау аумақтық филиалы төрағасының бірінші орынбасары Л.Ловягинаға «ескерту» партиялық жазалау шарасын, сондай-ақ «Білім» БПҰ төрағасы Ж.Қайырымденов пен праймериз ережесін бұзғаны үшін «Білім» БПҰ төрағасының орынбасары Ю.Барахоеваға сөгіс түріндегі партиялық жазаны қолдануды ұсыну туралы шешім қабылданды.
«Nur Otan» баспасөз қызметі Елбасы – Партия Лидері Нұрсұлтан Назарбаевтың партия ішіндегі сайлауда ашық, анық және әділ дауыс беруді қамтамасыз ету қажеттігі туралы тапсырмасын орындау аясында Орталық аппарат жергілікті жерлердегі осындай әрекеттердің қатаң түрде жолын кесетінін атап өтті.
Айта кетейік, праймериз өткізу ережесін бұзу деректері бойынша 8 (800) 080 4441 жедел желісіне (қоңырау шалу тегін) немесе komek@nurotan.kz. электронды поштасына хабарласуға болады. Барлық жайтты Партиялық бақылау комитеті егжей-тегжейлі зерттейді. Кінәлілерге партиядан шығаруға дейінгі қатаң шаралар қолданылады.