Қазіргідей карантин жағдайында оңайға соқпаса да, олар ел болашағының дамуына үлес қосқысы келетін олар бар мүмкіндіктерін көрсетті. Шешуші кезең саналатын онлайн дауыс беру кезеңі күні кеше аяқталды. Төрт күнге созылған аталмыш кезеңнің нәтижесіне сәйкес, партияластардың қолдауымен келесі кезеңге өттім. Десек те, бұл – мен үшін мақтаныш емес, бұл – партияластарымның маған артып отырған үлкен жауапкершілігі деп білемін. Жастар саясатына белсене араласып, қоғамдық жұмыспен айналысып жүргеніме 10 жылдан астам уақыт толды. Осы жыл ішінде Ақтөбе облысы жастарының, соның ішінде олардың әлеуметтік жағдайын көтермелейтін іс-шараларды жүзеге асыруға бір кісідей атсалыстым. Осы себептен де 10 жыл уақыт бойы атқарған қызметімді бақылап, бағалап жүрген партияластарым маған көп дауыс беріп, сенім артуды құп санады деп ойлаймын. Ендігі кезекте айтылған нәрсені тек құрғақ уәде күйінде қалмай, шамам келгенше іске асыруым қажет. Бағдарламаны насихаттау бір бөлек, ал мұны іске асыру тіпті басқаша, сол себепті алда үлкен қыруар жұмыс күтіп тұр. Алдағы уақытта «Nur Otan» партиясымен бірге халықтың мәселелерін шешуге бар күшімді саламын.
Асылжан БҮРКІТАЛИН,
«Jas Otan» Жастар қанаты
Ақтөбе облыстық филиалының төрағасы
