Бұл додада жастарға үлкен мүмкіндік беріліп отыр. Айта кетсем, елімізге саяси сауаты мықты, өзіндік ұстанымы бар алғыр жастар қажет. Праймеризге қатысушылар халық алдында тек сөзбен жарқырап қоймай, жұмысын нақты іспен көрсетуі тиіс. Ал кім өз сөзін іспен дәлелдесе халық соны қолдайды.
Праймериз нәтижесінде қаламыздағы түйткілді мәселелер қозғалып, алдағы даму жоспары белгіленді. Жергілікті жұрт осыған дейін қандай шаруалар атқарылғанынан, болашақта нендей өзгерістер орын алатынынан хабардар болды. «Nur Otan» партиясы жаңа идеялармен, жаңа көзқарастармен толықты.
Егер дауыс беру қағаз күйінде жүргізілсе, қандай да бір бұрмалау фактісі болуы мүмкін еді. Ал онлайнда ондай заңбұзушылықтарға жол берілмейді. Осының арқасында әр азамат өзі қалаған кандидатқа дауыс берді. Халық әр секунд сайын сайттан қатысушылардың қанша дауыс жинағанын да қадағалап отырды.
Азат САРПЕКОВ,
Семей қаласындағы электротехникалық
колледж директоры
