Roses атты әнге (SAINt JHN) ремикс жасап әлемге танылған қазақстандық диджей Иманбек Зейкенов Grammy сыйлығына ұсынылды. Үміткерлер тізімі әлемдік сыйлықтың ресми сайтында жарияланды.
Иманбек – Grammy сыйлығына үміткер алғашқы қазақстандық. Оның ремиксі YouTube желісінде 117 миллион рет қаралған, 20 аптадан аса уақыт бойы Billboard Hot 100 чартында үздік ондықта тұрды. Иманбек 2019 жылдың желтоқсан айына дейін теміржол станциясында жұмыс істеген.
Шілде айында The New York Times басылымына сұхбат берген Иманбек ата-анасымен бірге Павлодар облысына қарасты Ақсу қаласында тұратынын айтқан. Иманбектің әкесі – өрт сөндіруші, анасы туристік агенттікте жұмыс істейді.
Сонымен қатар музыкант жақында атақты америкалық әнші, биші, актер, R&B бағытындағы табысты әртіс Usher және Marshmello деген лақап атпен танымал диджеймен бірлесіп Too much атты ән жазды.
Айдар ДӘУІТҰЛЫ