Нұрсұлтан Назарбаев «Шаушен» шаруа қожалығының басшысы Сайрамбай Дөненбаевты қабылдады.
Кездесу барысында Елбасы кәсіпкердің Жамбыл облысындағы әлеуметтік инфрақұрылым құрылысына белсене қатысқанын атап өтті.
Өз кезегінде «Қазақстанның Еңбек Ері» атағының иегері Сайрамбай Дөненбаев Қазақстанның Тұңғыш Президентіне ауылдар мен ауыл жастарының дамуына көңіл бөліп, қолдау көрсеткені үшін ризашылық білдірді.
Сондай-ақ Елбасы «Алматыкітап» баспасы ЖШС директорлар кеңесінің төрайымы Элеонора Баталованы қабылдады.
Кездесу барысында Нұрсұлтан Назарбаев Қазақстанның еңбек сіңірген қайраткерінің елдегі баспа ісінің дамуы мен қалыптасуына қосқан үлесін атап өтті.
– Сіздің жетекшілігіңізбен «Алматыкітап» жақсы жұмыс көрсетіп отыр. Сіздер өте қызықты әрі жақсы кітаптар шығарасыздар, – деді Елбасы.
Сонымен бірге Э.Баталова Нұрсұлтан Назарбаевқа тәуелсіз Қазақстанның қалыптасуы мен гүлденуі жолындағы қажырлы еңбегі үшін алғыс айтты.