Қазақстандық жеңіл атлет Ольга Рыпакова Токиодағы олимпиадада сәтсіз өнер көрсеткеннен кейін қазақстандықтарға жүрекжарды сөзін арнады. Бұл туралы Aikyn.kz olympickz-ке сілтеме жасап хабарлайды.
"Қымбатты достар, қолдауларыңызға, эмоциялық тұрғыда көмек бергендеріңізге көп рақмет айтқым келеді. Бүгін мен үшін ғана емес, әрқайсыңыз үшін де қиын күн болды. Әрқайсыңыз жан-тәніңізмен, жүрегіңізбен қолдағандарыңызды сездім. Өкінішке қарай, қанша тырысқанмен сіздердің бар үміттеріңізді ақтай алмадым. Ренжімеуге, қазақстандық спортшыларға жанкүйер болуға шақырамын. Біз біргеміз! Алға Қазақстан!», – деді ол.