Бүгін түскі сағат 12-ге таяу Түркістан қаласындағы «Әзірет-Сұлтан» қорық-музейінің маңындағы дәмханадан өрт шықты.
Ресми өкілдің хабарлауынша, тілсіз жау «Әзірет-Сұлтан» қорық-музейінің қорғау аймағының сыртындағы екіқабатты «Жеті тандыр» дәмханасының 2-қабатын шарпыған. Өрт сөндірушілер хабар түскеннен кейін 6 минуттың ішінде оқиға орнына жетіп, тілсіз жауды ауыздықтап үлгерді.
Зардап шеккендер жоқ, ал келген шығын мен өртту шығу себебі анықталып жатыр.