«Қазгидрометтің» мәліметінше, ауа райы құбылмалы болады. Ыстық әлі де сақталады. Жел екпіні күшейеді. Атмосфералық фронт әсерінен еліміздің батыс, солтүстік, солтүстік-батысында найзағай ойнап, жаңбыр жауады. Елдің оңтүстік-батысында нөсер жаңбыр жауады. Қазақстанның қалған аумағында күн жауын-шашынсыз болады. Республика бойынша кей жерлерде жел күшейіп, оңтүстік-батыста шаңды дауыл тұрады. Жамбыл, Қызылорда, Түркістан, Ақтөбе, Алматы, Жетісу, Ұлытау облыстарының басым бөлігінде, Қостанай облысының оңтүстігінде, Абай облысының оңтүстігі мен шығысында, Қарағанды облысының батысында, оңтүстігінде және шығысында төтенше өрт қаупі күтіледі. Күндіз Жетісу, Ұлытау, Шығыс Қазақстан, Абай, Қызылорда облыстарының басым бөлігінде, Павлодар облысының оңтүстігінде, Қарағанды облысының батысы мен оңтүстігінде, Жамбыл облысының солтүстігі мен оңтүстігінде қатты ыстық күтіледі.